Chi che arata che vire te na valada tles munts sides sciöche vire te n monn stlüt, che se stënta da orëi ester daverc al dialogh y ales relaziun se fala bindebó. Nos sun n stüde che fej ion inant, davert y aciomé y al nes sá bel da partí idees, proiec, obietifs y les mius soluziuns ai problems. Sce t’es ince tö a öna, fáte inant: forsc chiriunse avisa na porsona sciöche te. O tö chires propi nos.
Ví cun nos
N ambiënt dinamich
Delá dai numeri, di schemesc y dles formules
Le nost é n ambiënt dinamich, olache pro la competënza, porvunse da injunté ince aspec basá söla cordialité, comprenjiun reziproca y barat de creativité. Döt adöm sambëgn zënza lascé fora la profescionalité: por afronté situaziuns complesses y romagne ajorná sön düc i aspec dl ciamp fiscal, ne pón mai zede da studié, se documenté y individué i scenars dl dagní. Nos chiriun porsones che ais chisc recuisic y i pitun:
- N ambiënt de laur stimolant
- N team jonn y dinamich
- Oportunités de chersciüda personala y profescionala
- N paiamënt indortöra
Ci chiriunse pa?
Competënzes y recuisic
Conescënza tl ciamp dla consulënza tributara, dal dërt de sozieté ales operaziuns straordinares; conescënzes spezifiches de contabilité, desponibilité ala formaziun costanta, conescënza de deplü lingac y talënt comunicatif; desponibilité por afronté sfides nöies cun spirit d’iniziativa y vëia da imparé; autonomia y manira da lauré ativa y orientada devers di resultac; talënt da chirí soluziuns, orenté da afronté situaziuns ries, vëia da dé le mascimo zënza mai se trá zoruch.
- Pasciun por les sfides y tl desgropé situaziuns complicades
- Desponibilité por fá na formaziun costanta
- Orientamënt devers dl resultat