Nosc team, na guida sigüda.

Giulio Sorà é dotur comerzialist y revisur legal de cunc. Al á arjunt le diplom de maturité a Balsan, spo la laurea d’economia aziendala a Parma, al á studié inant “Business Administration” a Halmstad tla Svezia y spo ál stlüt jö la laurea magistrala “Economia e Professione” al’Alma Mater Studiorum de Bologna. Esperiënza y conescënza dl monn ne i mancel porchël nia, al roda ion fora por le monn por se confronté cun nöies cultures. Al á fat le practicum propedeutich por l’abilitaziun sciöche dotur comerzialist a Bologna pro n stüde storich, passé l’ejam de stat y mëtü man süa profesciun te n stüde dër conesciü da Balsan. Do che le pere s’un é jü trö’ massa adora tl 2015, ál brancé do la dita de familia, portan inant süa arpejun cun profescionalité.